教仔有矛盾袁詠儀嬲到想劈老公

藝人袁詠儀（靚靚）昨日到尖沙咀出席荔園茶餐廳開幕禮，餐廳老闆邱達根帶同太太及母親亮相。提到日前舉家到英國睇球賽，兒子與老公張智霖玩直播時講英語令她黑面，靚靚解釋只是想兒子多說廣東話，又笑說：「個仔讀國際學校，中文已經唔係母語，我平時淨係同佢講中文，見到佢進步。點知嗰日開Live，老公話英文由個仔負責，我嬲到想一嘢劈佢！呢個係我同老公唯一嘅矛盾。（後悔畀個仔讀國際學校？）冇，佢好開心同正面，知識方面交畀老師，但身教都好緊要。」問到會否被兒子視為「虎媽」？她說：「唔會，但發現我喺佢心中樣樣嘢都Say no，我都要反省。我都臭脾氣，講嘢快過腦，好易得罪人，要為個仔學習。」