歌迷發「愛的宣言」吳雨霏感動到喊

歌手吳雨霏（Kary）今日31歲生日，日前出席歌迷為她舉行的生日派對，榮升人妻的Kary除收到歌迷親手炮製蛋糕，更被歌迷打動到眼濕濕，當Kary與歌迷傾偈及影合照時，會長率領全場歌迷向偶像讀出「愛的宣言」：「我請在場歌迷見證，我哋歌迷會願意認你為我哋唯一女神，從今以後，無論你日後發展點樣，我哋永遠愛護你、一直默默支持你，永遠做你嘅後盾。」
吳雨霏31歲生日，大收禮物。
吳雨霏31歲生日，大收禮物。

此時，坐在台中的Kary已感動得淚流滿面，有男歌迷更做代表送上「婚戒」，Kary說：「冇諗過會畀歌迷整喊，多謝大家對我嘅支持，即使係呢段時間好少見大家，但佢哋對我依然不離不棄。」之後表示新歌快將派台。

Kary生日與歌迷一起慶祝，被歌迷搞到眼濕濕。
  • Kary生日與歌迷一起慶祝，被歌迷搞到眼濕濕。