藝人莊思敏與妹妹莊思明對於家鄉馬來西亞因為林雅詩而被套上治安欠佳的標籤，莊思敏表示：「我唔覺得馬來西亞治安係咁差！但呢件事唔應該以國家去睇，因為無論喺邊度，都應該問：『究竟應唔應該咁玩？係咪玩大咗？』其實佢唔係第一個咁樣拍片上網，香港早排都有人咁玩，呢個係依家拍片上網呃like衍生出嚟嘅問題，依家啲人好需要呃like，結果好容易迷失！」
思明則說：「治安問題每個地方都會有，但馬來西亞治安已經比三幾十年前好好多，我平時出街都好放心。（覺得林雅詩應該企出嚟交代？）我冇跟晒成件事，唔係好知佢做乜，但我見網上好多人都想知件事究竟係點，譬如有啲人想去馬來西亞旅行，可能會被呢件事影響到，如果真係有誣蔑到馬來西亞，就唔係咁好。」