糖妹食慣波餅 打排球靠把聲
藝人黃山怡（糖妹）及莊思明（Lisa）等，昨日出席FIVB世界女排大獎賽—香港2017記者會，該賽事將由無綫獨家直播。擔任大使的糖妹稱為此賽事錄製了主題曲及MV，她透露邊睇比賽片段邊填詞，希望屆時播歌令運動員有共鳴！身材嬌小的糖妹又透露就讀女子中學時年年做排球校隊的後備：「啲師姐太高，我年年都係後備。（因身高問題而唔開心？）冇！雖然冇正式加入到，但企一邊吶喊都好開心。」她笑言食慣波餅：「一定有啦，我呢啲高度，喺度諗接波定係扣殺就會食波餅。（你攔到網？）我跳到嘅，但擋波就難啲。」
莊思明撐男友楊明
而Lisa透露中學時是排球校隊成員，當時更獲男教練日日在課室門口等候。她說：「佢見我生得高就想叫我加入校隊。我本來因為未接觸過而唔想打，但佢日日等我，畀佢嘅誠意打動咗。」問她打波可有帶來異性緣？Lisa笑說：「排球隊都係女仔，反而我有加入埋籃球隊就多啲男仔玩。（有男粉絲？）唔好話係粉絲，交個朋友啫。」
談到其男友楊明近日被指於遊船河時與女子親密合照？Lisa為對方護航，表示當日自己亦在場：「影合照都出事，認命。」提到楊明近日於公開活動上間接讚Lisa是最美麗的一屆港姐，Lisa即投桃報李讚男友好靚仔。
文：影視組