鄺美雲全身器官都捐得

名人鄺美雲（Cally）與「玩具大王」兒子蔡加讚昨日出席2017全港義工服務日啟動禮，Cally表示現場會簽署器官捐贈：「死咗都帶唔走，可以捐畀合適嘅人係好事，我信佛，相信人生係循環，器官捐贈可以將生命延續落去。我好健康，全身器官都可以捐。」她又透露將在8月推出唱片，日前已拍攝封面：「隻碟已做好八成，仲有兩、三首歌未錄，入面都係翻唱自己以前嘅舊歌同埋我鍾意嘅歌，冇新歌。」