林德信自爆有新對象
藝人林德信（Alex）昨日擔任香港美容化妝及秀身展2017瑜伽教室導師，即場示範幾個瑜伽動作。他透露很久沒有教瑜伽，因為很多瑜伽室都要全職教，自己沒有時間。他表示近日休息中，記者笑問他是否有新戀情專注拍拖？他笑說：「休息緊。（感情方面？）幾好。（有冇對象？）應該有。（圈中人定圈外人？）唔方便講，穩定啲先同大家分享。」
問到爹哋林子祥有否見過女友？他說：「唔知喎！我自己都好耐冇見爹哋，都有半年。」隨即轉換話題謂父親節要相約爹哋食飯：「記得舊年父親節請佢食飯，第日佢特登打畀我話多謝我，佢好感動，可能因為我哋唔係一齊住，比較少時間見面，所以佢開心！」他指爹哋比較緊張他的事業，那父子兩可有一起做瑜伽？他笑說：「細個有見過佢做，佢可以做倒立好勁，因為我嫲嫲係瑜伽導師，所以我自細都有做，我諗有遺傳。」