拍住搵銀 薛家燕聽晒阿仔話
藝人薛家燕昨日為富臨集團拍攝月餅廣告，是她第二年為品牌擔任代言人，兒子石耀庭（Jackson）為廣告執導，其未婚妻Zoe亦有到場探班，家燕姐說：「上年都係佢幫我，今年要繼續努力，因為佢就嚟娶老婆。」問到拍攝期間與兒子可有拗撬？她說：「佢有佢主見，拍嗰時叫我唔好望鏡頭，佢Idea都OK，但當然我嘅經驗都唔可以忽略。（你個造型都係佢揀？）佢覺得我《食神》個『味公主』造型深入民心，呢副道具眼鏡都係搵人特別做。（使唔使跳舞？）可能要我唱幾句歌。」問到酬勞有否增加，她想了一會說：「加少少啦！」
