傳割脈鄭俊弘陪睇急症縫8針！ 何雁詩酷熱警告着長袖？ 企硬拒騷手腕

星夢歌手何雁詩與鄭俊弘（Fred）4月初在機場拖手正式公開戀情後，雖然負面新聞不絕，但依然愛得癡纏，日前更被本報影到在西貢村屋同居。然而上周四（1日）突然驚爆何雁詩醉酒失控割脈送院治理，雖然她否認，但據消息人士透露，當晚她在Fred陪同下到將軍澳醫院急症室求診，等了個多小時的他們擔心公立醫院耳目眾多，故立即飛車轉到私家的九龍法國醫院求診，傷口更縫了七、八針。

否認遭棒打鴛鴦

有指何雁詩割腕是與無綫為保住Fred而棒打鴛鴦有關，有情緒病的她不堪壓力，故一度崩潰自殘。事件傳了幾日，何雁詩與Fred昨日終於現身齊齊出席《2017勁歌金曲優秀選第一回》，昨午2時左右，何雁詩先到電視城綵排，戴墨鏡的她心情似乎不錯，但在今年首發酷熱天氣警告、下午最高錄得35度高溫下，她仍穿上厚厚的長袖牛仔褸，惹人懷疑是否刻意遮住手腕的「傷勢」。雖然她未有受訪，但拍照時不失調皮，笑問記者：「你哋睇唔睇到我望緊邊度？」問Fred為何不在？她即嬌嗔答：「因為我綵排先嘛。」之後便入廠。據知Fred被安排於前晚綵排。

直至晚上7時多，何雁詩因應今次優秀選的cosplay主題，以童話故事人物小紅帽打扮現身，但穿紅色斗篷的她卻加穿黑色長袖衫打底；Fred以70年代電影《油脂》男主角造型現身，兩人一到場即大方合照，且笑得開心，但分開受訪。何雁詩神態由輕鬆變得凝重，受訪時澄清沒有做傻事：「冇自殺，因為驚影響個人聲譽同怕身邊人擔心，所以要澄清番，冇醉酒、冇失控、冇割脈，其他嘢唔回應。」

問她整日都穿長袖衫不怕惹來揣測？她說：「人哋要揣測冇辦法，唔諗太多。（咁熱點解唔着短袖衫？）到40度先諗吓！」介唔介意騷手腕澄清吓？她表情變得嚴肅說：「唔需要，唔通心口整親又騷畀大家睇咩？講咗就講咗，信就信，唔信就唔信。」她坦言心情沒受影響，問可有壓力？她說：「預咗o架啦，公眾人物食得鹹魚抵得渴，當呢個過程畀自己成長。」她亦再強調沒有自殘傾向，雖有飲酒但不會失控。講到有傳無綫棒打鴛鴦，她否認：「公司冇畀壓力我哋。（點解分開受訪？）唔想自從嗰次咁多新聞圍繞我哋。（有冇叫你哋私下唔好見咁多？）冇話特別唔畀我哋見面，從來冇阻止我哋一齊，有畀空間我哋。」

Fred指感情穩定

而Fred亦全程為女友護航，否認她割脈：「冇啲咁嘅事，炒作。（何雁詩有冇入醫院？）冇。（有指你陪佢去醫院？）我都覺得奇怪。（你哋嗰晚係咪一齊？）嗰晚係分開。（佢嗰晚做緊咩？）喺屋企。（你都喺屋企？）各自喺屋企。（公司有冇問你哋呢件事？）冇，公司好支持我哋，工作上、所有嘢一切正常。」問到兩人現時感情是否開心？他說：「OK！穩定。（何雁詩情緒好易波動？）冇，好好，好開心。」

文：音樂組