諸葛紫岐暫停追B呻老公唔夠努力
名媛諸葛紫岐（Marie）昨日以星級關心大使身份，率領旗下歌手黎美言（Winkie）出席活動。Marie一臉倦容表示近日工作忙碌，已看勻中、西醫去調理身子。問到是否有喜事？她即指醫生要她調理好身體先造人：「都想，狀態未得住，醫生叫我休息多啲，調理咗先。」
HotCha有望開10周年騷
Marie「周身刀」忙到不可開交，因此娛樂公司暫交得力同事處理，而她主力於投資生意搵真銀。她笑言老公沒因此而心痛：「佢口講心痛，但冇實質行動，佢應該努力啲！」更大讚囝囝Sweet過老公：「佢依家好識講嘢，成日話好掛住媽咪，又會呷爸爸醋，唔鍾意我同老公拖手或黐得埋。」
而活動大使Winkie表示今年會出歌及拍電影，與此同時有教拳的她指收入非常好，而且較幕前穩定，近日更有打戲邀請她參演，但要待公司安排。此外，她透露有投資者支持開HotCha10周年演唱會，又為不和傳言解畫：「其實我哋3個一直冇不和，仲好想3個一齊開騷，有晒共識。大家都掛住對方，同時喺呢段時間經歷咗好多，希望到時唔會喊到隻豬咁。」
文：名人組