黃心穎850萬上車冇通知馬明

近年密密搵銀的無綫小花黃心穎，儲夠彈藥即「入貨」。昨日她戴上口罩，現身首度開發售的啟德天寰排隊揀樓。心穎接受電話訪問時表示正忙揀樓：「等我揀完先再講！」據市場消息指，心穎以850萬元購入單位。

用作自住 否認貼仔

心穎揀完樓後即回覆記者：「今次揀中一個兩房單位，係我預算價錢之內，啱呎價。（抽到頭籤？）籤號唔算前，但都揀到啱，都開心嘅。」首次置業的心穎，被取笑買樓「貼」馬國明，她笑言：「佢都唔需要人貼啦！呢層樓係我自己買，（投資定自住？）係自住嘅。（馬明恭喜咗你未？）佢喺大陸，唔知佢知唔知，冇特登話佢知，梗係第一時間話畀屋企人知啦。」事後心穎在社交網上載自拍照，指朋友送給她的筆終可大派用場。她留言：「呢支筆，我個friend送畀我嗰陣話簽重要文件先可以用，今日我終於用到喇！」

馬國明 Honey，買樓唔第一時間話我知！（設計對白）	胡定欣笑言會用手機直播蕭正楠出浴。	戴口罩的心穎排隊揀樓。

至於馬國明與蕭正楠、胡定欣、謝雪心昨早現身機場，到橫店為無綫新劇《宮心計2深宮計》拍外景。對於心穎並非同日出發，他隔空派定心丸：「我要澄清，我係去拍戲唔係溝女！」

唔評論心形胸

提到日前心穎性感上陣拍廣告，更露出心形胸，馬明稱有看過圖片，但沒有留意是否心型胸。問到對方身形是否很弗？他說：「睇你鍾意啲乜，肥瘦冇問題，最緊要身體健康。（你滿意心穎身形？ ）好難講，健康最緊要。」蕭正楠笑指馬明又躁又火，準備帶心穎給他「消暑」，馬明聞言無力招架，惟有以笑遮醜。在旁的定欣即為舊愛馬明出頭寸蕭正楠：「咁使唔使帶個翠如BB同你消暑？」

謝雪心表示期待觀看蕭正楠及馬明的出浴戲，指馬明要為蕭正楠擦背，場面「hehe」。定欣則稱屆時透過手機直播，將兩人的出浴戲給翠如觀賞。

另外，昨晚身在橫店的馬明接受電話訪問，對於心穎買樓，他說：「恭喜佢。」

文：影視組