傅穎壓軸行騷預演新娘
藝人傅穎前晚到上海為設計師好友鄭小丹行騷，穿上類似婚紗的羽毛晚裝壓軸亮相，仙氣十足，她說：「今次個騷係親子系列，所以現場好多小朋友，咁啱我喺橫店套劇煞科，上海又近，所以幫佢行騷，我都好耐冇行時裝騷。」她表示很喜歡對方的設計，她笑說：「佢啲衫好有仙氣、好飄逸，好夢幻，我諗好多女仔都會鍾意。」
問到將來結婚可會邀對方為她設計婚紗？傅穎說：「會呀，其實我都有咁嘅打算，因為一啲內地藝人影結婚相時，佢都有幫佢哋度身訂造，所以我諗我結婚嗰時佢都會幫我。（有計劃結婚？）暫時冇，可能突然會有呢個諗法，但唔會依家。（將來幫你訂造埋母子或母女裝？）佢有話之後我出席啲隆重活動，或者發布會，幫我度身訂造，但未講到BB呢個。」