袁文傑趕住結婚造人

藝人袁文傑昨日出席保良局端午慈善活動，近日憑劇集《不懂撒嬌的女人》人氣急升的他，坦言劇集帶挈他接多了廣告搵真銀。提到早前被拍得與女友逛婚紗店，是否要儲老婆本？他說：「一直都有儲，係有咁嘅計劃，但未有確實日子。（求咗婚未？）唔使求啦，我哋一向好好，如果真係正式提出嘅時候，都會營造一個最浪漫嘅時刻！（會以咩形式結婚？ ）諗過旅行結婚，同一班朋友。（會生小朋友？ ）佢最近話想，咁我一向鍾意小朋友，所以都要快啲！」此外，他否認與陳展鵬惡鬥多年，並指雙方早年曾結伴歐遊，沒有不和。