王君馨紐約陪嫁順便偷師
無綫藝人王君馨（Grace）與老公Daniel將於7月11日在香港舉行婚禮，日前兩人到歐洲影了多輯又型又索的婚紗照，昨日Grace更向大家分享她的喜悅，發放了結婚禮餅給各大傳媒，餅盒上有她跟老公Daniel的Q版公仔，相當可愛！
Grace最近正為范振鋒監製的電影《醉爆閨蜜》開工，前晚更拍通宵戲，她表示拍完這幾天戲份，自己都會再飛一轉紐約，她受訪時說：「我個best friend結婚，我要飛紐約做伴娘，順便偷吓師啦！所以都好開心，之後我要飛去另一個地方，再睇另一個搞婚禮嘅場地，嗰邊就係宴請Daniel啲親戚、朋友，因為佢哋大部分都唔會飛嚟香港，仲會請一啲我嘅小學、中學同學，不過依家淨係搞香港呢邊都好忙。」
此外，Grace昨晚一身素服出席資深電影人陳佩華的安息禮拜，身為基督徒的她，自言不擔心紅白二事相沖。