姚書軼降低要求呻冇人要

名模姚書軼（Mikki）昨日為拍賣行擔任模特兒示範名貴珍品，其中最貴分別為兩枚藍寶及祖母綠戒指，估值高達2,800萬。Mikki表示自己喜歡玉，修讀的珠寶鑑證下月畢業，夢想可以有自己品牌。單身多年的她坦言緣分可遇不可求：「中間都有約會過，咁唔啱就唔好繼續。（你降低條件啦？）降低咗都冇人要，其實只要自己開心就得啦！（有咩擇偶條件？）夾到就得o架嘞，好多時乜嘢都好，但唔夾就唔夾。」她又笑言另一半一定要愛屋及烏鍾意她的三隻貓貓：「依家每朝起身都有三部曲，就係餵罐頭、執屎同吸塵，都要用半個鐘，耐過我化妝。」