歌手麥潔文的父親麥洪於5月初因病離世，享年93歲，昨日在世界殯儀館設靈。麥潔文在老公江華陪伴下受訪，她指爸爸因急性肺炎離世，走得很安詳，是笑喪，但她透露當時未能見到父親最後一面：「醫生凌晨通知我哋之後，佢半小時左右已經離開咗，我哋45分鐘後先趕到去，但我哋嚟到喺佢身邊叫佢，當時部機（維生儀器）跳咗一下，佢應該知我哋嚟咗。」期間她忍不住落淚，江華就一直掃她手背安撫。
