崔碧珈九霄驚魂大覺瞓

藝人崔碧珈(Anita)、火火及余逸思昨日主持ViuTV節目《晚吹-捲上你的床》,邀得音樂人郭偉亮(Eric Kwok)擔任嘉賓。身穿性感睡衣谷胸上陣的Anita透露,前日從馬來西亞工作後搭飛機返港,卻遇上東方航空一班客機衝出跑道,而她乘坐的航機原定在之後降落,但因發生事故,故要復飛至另一跑道降落,再因為跑道擠塞,故最後比原定延誤個半小時才落機,幸好趕得切工作。

Anita表示降落時飛機有不正常搖動,問她當時害不害怕?她笑言:「少少,但嗰陣我好眼瞓,因為喺馬來西亞拍完戲即刻搭飛機,攰到暈暈哋,知有件咁嘅事,但都想瞓多陣,後尾同媽咪講,佢話我咁樣係最幸福,因為唔會真係好驚。(如果有咩事咪好危險?)都係,但生死有定數,我已經做好自己 ,扣好安全帶。」講到今集節目主題是「火爆情侶」,Anita表示曾交過一個火爆男友,但自此之後都不敢再找此類型男友:「會識啲溫柔嘅,寧願佢孱弱少少。」講到現時感情生活,她表示仍是等待中。

Eric險被葉佩雯飛刀

至於Eric Kwok則分享與老婆葉佩雯(Grace)的火爆事件,透露初相識時,Grace因工作很大壓力,情緒很不穩定,兩人同住時經常吵架,Grace更常常掟嘢,他說:「佢試過掟遙控、杯、碟、電話,仲試過有次喺廚房攞起把菜刀想掟過嚟,我即刻攞個鑊頂住,我嗰陣好(興),所以將佢成個人秤起搬去門口企十分鐘。」但Eric謂經過自己三年的悉心教導及心理學安慰後,Grace現已沒事。Eric又認同吵架可以增進感情,他跟初戀女友拍拖時相處太平淡而覺悶:「到後來識咗Grace就覺得好正,佢令我啲脾氣可以爆到出嚟,大家互片、鬥嘴,鬧交可以清楚知道一個人嘅另外一面。」

文:音樂組

攝:司徒國榮