梁家玉潮媽教仔重品德輕分數

人稱「Mark嫂」的藝人梁家玉（Jade）擔任模特兒入行，與音樂人雷頌德（Mark）結婚後逐漸淡出幕前，自早前為無綫主持烹飪節目《閨密教煮》後被封新一代廚神。身兼人妻、三子之母及藝人的她擁有多重身份，對於時間分配，她坦言甚有難度，但絕對掌握到：「我哋兩公婆除咗工作，全部時間都留番畀小朋友，佢哋亦好體諒，唔會投訴，反而話好鍾意喺電視睇媽咪煮嘢食。」

囝囝鍾意音樂

問到會否陪伴兒子溫書？她直言現今教材較深奧，需要適當地輔助，但從不要求考獲高名次：「健康、開心成長好緊要，唔想小朋友咁大壓力。唔係考第一先係最叻嘅人，考第尾亦唔代表將來一事無成，夠勤力、肯學一定有成功例子。（怪獸家長？）一定唔係，唔會八十幾九十分都嫌低分，反而concern品行，學習幾多歲都可以。」

梁家玉雖身兼多職，但事業與家庭絕對平衡到！

梁家玉讚老公設計有一手。

Jade又指兒子多玩球類運動及畫畫，不會強迫他們學習：「如果冇興趣我就話唔好嘥時間同金錢，當然唔可以話一唔鍾意就quit。（音樂會唔會栽培？）佢哋好鍾意聽音樂，對音樂有要求同認識。二仔有學琴，係佢主動話學，將來會唔會入呢行由佢決定，始終我哋做過小朋友，唔想父母要我哋做咩就做。」她認同童年應該開心成長：「個人開心做咩都易啲，悲觀嘅人對日後可能有影響。行行出狀元，最緊要人生活得精彩。」

讚老公設計出色

另外，Jade日前現身周生生舉辦的「閃亮之旅」Infini Love Diamond展覽時，自言家中有不少珠寶收藏，問到最深刻的禮物？她透露是由Mark親手設計的玉吊墜：「玉，要設計到新潮係好難，但佢做到。除咗識設計珠寶，仲識設計手錶，好鍾意收到佢親自設計嘅禮物，貴唔貴重係視乎心意，並唔係價錢。」

文：名人組