田蕊妮黑獄捱打後生頂得住！

無綫劇集《蘭花刼》將於29日起晚上九時三十分在翡翠台首播，劇情講述蘇玉華、田蕊妮及唐寧是失散多年的三姊妹，因蘇玉華被指殺養母面臨入獄，田蕊妮為救她而頂罪入獄，卻發現一切原來是蘇玉華的預謀，而胡定欣當年仍做女配角的角色，飾演一位懷孕的女囚犯，要在獄中產子。

胡定欣演孕媽媽

田蕊妮指《蘭》是她當年加入TVB首部拍攝的劇集，她笑言當年常在電影城蕩失路：「連化妝間、民初街喺邊都唔知，最記得呢部劇喺中環歷史建築域多利監獄取景，拍嗰陣真係覺得似坐緊監！」又指劇中有不少被打、情緒崩潰的戲份，因此拍每一場都十分費勁，她笑說：「好彩嗰陣廿幾歲，身體頂得順，依家就未必得！」

田蕊妮（左）與唐寧的角色在獄中受盡欺凌。	田蕊妮在劇中為救蘇玉華而入獄，卻發現是對方的陰謀。	放大圖片

胡定欣則飾演懷孕女囚犯，當年已做「媽媽」的她對拍攝現場最為深刻，她透露難得入域多利監獄拍攝，令她大開眼界，廠景亦做得相當有真實感，問到與田蕊妮當年可有對手戲？她說：「我同佢應該有對手戲，可能係我哋第一次合作，唔記得細節喇，但當年我已經做媽媽，仲記得個BB得十日大，抱佢時都有啲驚！」

文：影視組