C AllStar喊親罰錢釗峰高危

組合C AllStar將於10月20及21日假紅館舉行《生於C AllStar演唱會2017》，他們之前宣布騷後四位成員將分開發展，所以在昨日的記者會上，大會特別準備一個完騷倒數器。而四子各自邀請合作多年的手足及很重要的人前來，並大講多年來最難忘的經歷。他們笑言過往演唱會都會超時演出，所以這次希望能準時、甚至提早開騷。雖然騷後就要各自發展，但四子表示這次演唱會已定了規矩，大家不可以哭。

問到會有何懲罰？釗峰笑說：「一喊就要負責超時嘅罰錢，我哋可以唱耐啲。」King卻忍不住踢爆他：「最大機會喊嘅係釗峰，你係大熱！」曾於演唱會上喊到甩嘴的釗峰指這次已做好心理建設，眼淚只會在心裏流，有鼻水亦會吸回去。

Jase透視褲襠益On仔

而Jase之前得到最多樂迷投票，成功獲得10分鐘的Solo演出機會，他透露仍在構思表演中，但不會除衫，除衫方面可以交給之前在MV中爆肌的On仔。問到On仔是否會除衫騷肌？他指要視乎當日熱不熱，釗峰則笑說：「我哋會整到佢熱，我哋已經同造型師講佢啲衫要易除嘅，就算唔除都要透嘅。」Jase亦笑說：「要透褲襠嘅！」嘉賓方面，他們透露心中有人選，但想將更多時間用作唱自己的歌：「睇吓個畫面需唔需要嘉賓，我哋都未諗好成件事個畫面係點，但今次想唱多啲自己嘅歌，畀大家了解吓我哋嘅成長係點！」

文：音樂組　

攝：李柏儒