紅隧撞車許靖韻心痛「PatPat」
昨傍晚時分，有讀者目擊英皇歌手許靖韻（Angela）駕駛一輛白色私家車，在香港駛入九龍方向的紅隧入口被尾隨巴士碰撞，之後為免阻塞隧道入口，私家車及巴士駛到旁邊等候警員到場。而Angela看似未有受傷，隨後有隧道職員及警員到場處理。不過，相中可見Angela一臉愁容，雖然目測其愛驅尾部只屬「輕傷」，但其表情就似乎好心痛。
撞咗車都唔知
記者聯絡上Angela，她驚魂甫定憶述撞車過程：「等緊入隧道入口方向，可能當時落緊微微雨，路面濕滑，突然聽到『卡卡聲』，好似碰咗一下，我都仲唔知發生乜事，係後座同事叫我停車話撞咗車先知。原來係巴士想轉線嗰下撞咗埋我右邊車尾。」Angela表示賠償問題會交由巴士公司處理，反而她最不好意思是對巴士乘客造成不便，因撞車地點不是可上落客地方，又要淋着雨。
洪卓立唔敢再坐
問到是否「新手牌」？Angela即說：「我揸咗四年車，第一次畀車撞。（見你望住架車好肉痛？）架車係阿爸嘅，我都第一時間同阿爸『報案』，佢都冇心痛架車，即刻問我有冇受傷。」Angela自爆坐「順風車」過九龍的洪卓立揚言不會再做乘客：「佢話以後唔坐我嘅車，話八字唔夾喎。」
文：音樂組