歌手吳業坤和許廷鏗（Alfred）同是巨聲幫出身，出道後簽約不同唱片公司各有發展，吳業坤憑《原來她不夠愛我》爆紅，更助他成功登上紅館開個唱；至於Alfred一出道則被力捧成「劇集歌王」，惜因續約問題而被打入冷宮，歌曲無緣入選今次「優秀選」。
吳業坤的歌曲《演員》則在候選歌名單上，對於Alfred冇歌入圍，他說：「其實我對優秀選嘅制度唔係太清楚，點樣為之入選，點為之唔入選，都好根據個制度，咁我都開心有得入圍嘅，多謝大家支持。至於Alfred首《痛醒》，我認識嘅佢，入唔入圍佢都唔太介意，因入唔入圍都係樂迷投票，就算冇得投票，樂迷都會支持佢，其實有冇獎，所有歌手都唔會太介意嘅。」