黎燕珊笑子女送錯禮 生日鞋鞋聲
昨日是520我愛你溫馨日，也是藝人黎燕珊的生日，她透露仔女已為她慶祝，並爆他們小時候辛苦儲錢買鞋送給她做生日禮物，被她取笑「鞋鞋聲」不吉利。至於兒子則正爭取考入心儀的大學讀犯罪學，為將來做警察鋪路，囝囝如此生性，正是最好的禮物！
昨日520是黎燕珊的生日，但仍抽空出席好友的時裝店開幕剪綵，十分有心。問到生日願望，她笑言希望年年25歲，保持心境開朗，與子女沒有代溝。至於如何慶祝？她說：「仔女幫我慶祝咗，送咗油畫同手錶畀我，叫我生日一定要戴住。仲記得細個嗰時，佢哋儲咗好耐錢買禮物畀我，係飾物同埋鞋，我話生日冇人送鞋o架，之後佢哋就冇再送鞋喇！」
她又透露囝囝現正考取心儀的大學，由於想修讀的科目在香港也能讀到，加上可以省錢，故沒有出國打算：「佢想讀犯罪學，因為想做督察。依家嘅年輕人價值觀好正面，好識諗有咩福利，自己計劃晒，係天賜嘅禮物。」
朱慧敏吃素護膚
同場還有藝人朱慧敏（Queenie）和模特兒蔣怡（CoCo），當中Queenie表示近日工作忙碌，要香港、內地兩邊走，還要上學。雖然如此，但見她精神和皮膚也很好，她解釋因為吃素，所以能夠保養得宜。
至於CoCo透露剛與老公去了峇里慶生，她說：「我哋兩個去咗五日峇里島，冇帶囡囡去，返到嚟又繼續煮飯湊女。（曬黑咗？）係呀，要追番好似個女咁，佢係天生黑玫瑰，點曬都唔夠佢黑。」問到會否再追B？她心強，暫無計劃，又笑言老公愛她多過囡囡，引來女兒呷醋。
文：名人組