小方唔肯幫女友綁鞋帶

藝人方力申（小方）與尹光昨日錄影ViuTV節目，主持人崔碧珈及余逸思以睡衣示人，余逸思晒事業線撼贏身材出眾的崔碧珈。小方在節目中談暖男話題，又玩心理遊戲，指暖男特徵中自己有七樣事願意做，他說：「除咗幫女朋友綁鞋帶、拖手、買暖包同紅棗水之外都會做，以前游水嗰陣已經係地下情，所以少拖手，而且做藝人習慣被照顧，所以少買暖包！」。
方力申
方力申

問小方可會擔心被問過去情史？他直言有談及與鄧麗欣的一段情：「唔介意，咁多年感情，依家都係朋友，冇嘢唔講得！」又指在節目中玩塔羅牌時被問復合話題，他說：「係佢哋想問，不過顯示出嚟就未必！」

崔碧珈、余逸思
  • 崔碧珈、余逸思

尹光則大談過往追女仔方法，又解釋何謂女人湯丸，他自爆以前被女粉絲追求：「學生妹追我，會出嚟飲吓野。（想做你女友？）又唔係，問吓我啲演出，我嗰時16歲啫！」