羅霖篩追求者揀真命天子

藝人羅霖及吳岱融昨日到牛頭角出席倫哥火鍋私房菜開幕禮，穿紫色喱士裙的羅霖說：「呢排拍劇瘦咗8磅，依家一百零幾磅，去番拍寫真集嘅磅數，呢條裙本來啱啱好，依家有啲鬆。（上圍呢？）都有鬆，我諗住拍完劇同三個仔去旅行，影輯泳衣相留念，但唔會影寫真集。」

羅霖預告拍完劇會為感情做決定：「之前一直忙工作，之後會認真處理感情。（有好消息公布？）一定唔會係壞消息，我會認真篩選，畀多啲時間喺感情，唔係我急，係我媽咪急。（揀定咗之前同你影婚紗照嗰位男士？）佢係好大機會嘅一位。」

吳岱融則謂不懂搞生意：「我係『數字白癡』、耳仔軟，太太（鍾淑慧）都一樣，咁仲好，開心啲！好期待拍邵氏網劇《飛虎極戰》，我有啲打戲。（要晒肌？）需要到我可以操吓肌肉嘅！」

文：影視組