盧凱彤脷尖悟人生
歌手盧凱彤（Ellen）將於6月1至4日假香港藝術中心舉行一人一結他演唱會，會將由組合at17獨立發展後，這6年間的蛻變及自己最原有的面貌呈現給觀眾，Ellen坦言除音樂曲風外，其心路歷程上亦有很大改變：「以前覺得做人要好刻苦，唔刻苦就代表冇努力過，依家愈嚟愈覺得自己開心、舒服同做自己最緊要。」
Ellen近年受音樂及朋友的影響，慢慢找回很多人生樂趣，更令她重新愛上吃東西：「我之前唔鍾意食嘢，我髮型師影響我好深，佢成日帶我去食好嘢，縱壞晒我條脷，我開始明白到食飯唔係塞兩舊多士落肚飽咗就算，同幾個朋友好開心咁食幾個鐘頭嘅晚飯，可以係一種交流、交心！」她更滿足地說：「舊食物喺我脷尖上嘅當下，我真係悟到當下嘅意義！」