巴黎時裝周chur到爆代蓮曦丹美瘦咗6磅

港姐代蓮曦丹美早前應邀出席巴黎時裝周及為無綫節目《巴黎時裝周》拍攝，她今次於巴黎逗留九日，共準備了四箱靚衫出席時裝周，更因要帶着行李箱奔走各大時裝騷而變成「女漢子」。由於每日四出趕赴時裝騷，代蓮曦丹美忙得每日只有時間吃一餐，導致瘦了六磅：「因為要拍攝節目，去每個騷都要着唔同嘅衫，有時太趕都要喺車上面換衫。不過因為呢幾年幫時裝雜誌寫時裝評論，去咗幾年時裝周都識咗好多朋友，見番老朋友都好開心。」