張建聲患心理病多得秋生打救
入行七年的張建聲，演技愈見進步，早前接演狂人角色獲賞識而大量加戲，但成功背後亦要付出代價。入戲太深的他一度未能抽離，需向心理醫生求助，幸而最終憑運動與意志跨過難關，更遇上影帝黃秋生充當「醫生」，助他成功從黑暗中爬出來！
34歲的張建聲（Justin）入行多年，在影壇愈戰愈瘋狂，由初出道演「怕醜仔」，到近年挑戰不同類型角色，演技漸見成熟。他曾為電影增肥35磅，但都只是表面賣點，把惡霸角色活生生演出來，才是亮點！最近為拍網劇《反黑》，因他夠搏、夠用心，導演宋本中和監製陳國坤二話不說，將其戲份由兩組增至佔劇集一半以上。有人欣賞當然開心，但亦要付上代價，Justin為演好角色，漂染髮七個月，染爛頭髮兼令毛囊壞死。但頭髮都是小兒科，更傷的是，由於角色心理狀態起伏太大，令他一度未能抽身，要向心理醫生求助：「試過拍一場情緒大爆發嘅場口，我喺戲入面對住陳小春狂喊，cut機都唔能夠收聲，亦有一次坐車嘅時候，突然成個背脊抽搐，我同公司商量之後，決定去睇心理醫生。」
靠運動康復
經診症後，除有抽離不到角色的症狀外，還有輕微抑鬱及強迫症，Justin說：「醫生話香港人唔多唔少都有呢啲症狀，我食咗藥一個星期左右，之後做多啲運動，用好多健康嘅方法令自己康復，好快停咗藥。」
令自己「好番晒」的其中一個方法原來要多謝黃秋生，他說：「有一日上公司，見到導演宋本中同黃秋生開會，導演講咗我嘅情況畀秋生聽，佢教我唔好壓制自己，應該將個角色放入心度，等個角色喺心裏面成長，而儲埋咁多角色性格，要搵一個性格做呢堆性格入面嘅校長，用呢個方法，真係令我舒服咗，多謝影帝教路。」
文：影視組
場地：Sunshine Fitness