李彩華內地開戲同人仔有緣

藝人李彩華近年忙於內地拍劇及電影，早前更為拍攝新片《故鄉的愛》遠赴江西一個山區取景。戲中她飾演一名山區老師，拍攝時與一班當地小朋友合作，令她感到開心之餘亦令她感觸良多：「因為山區啲小朋友每日返學都要行好遠路程，要花上好多時間同體力喺路程上，其實香港小朋友真係好幸福。」

望捐錢建學校

過往亦曾捐錢興建教堂和助養小朋友的李彩華，希望有機會在內地捐錢興建學校，讓小朋友有地方學習。問到與小朋友合作有否勾起結婚生小朋友的衝動？她說：「依家都係要工作先，我哋兩邊家人都冇催婚生小朋友，以前我都話24歲結婚，依家都過咗。惟有將個時間再推後，希望可以喺38歲前生小朋友。」

李彩華與賀剛飾演夫妻，惜最終陰陽相隔。	李彩華事業為重，結婚造人計劃要暫時讓路。	李彩華飾演山區老師，與小朋友相處融洽。

哭墳感染全場

李彩華自言一向與小朋友特別投緣，在今次合作過程中大家相處愉快。其中一場講述其丈夫賀剛離世的戲份，李彩華走到墓地前哭得死去活來，充分發揮演技，她說：「因為我未埋位前小朋友唔知點解喊唔出，直到我一埋位喊晒之後，小朋友聽到我喊得咁淒厲，突然全部一齊喺度喊。事後佢哋話被感染到，所以都喊得咁厲害。」

文：專案組