苟芸慧賣股份陳君宜感覺被出賣

早年名媛陳君宜（Qinnie）與老公鄭躬明及幾位拍檔經營點心食肆，並送上股份給藝人好友苟芸慧，條件是要對方配合公司宣傳。有傳苟芸慧欲變賣該公司股份，陳君宜昨日回覆本報，直言感覺有少少被出賣。問到當年是否送上0.9%公司股份給苟芸慧？陳君宜說：「股份幾多唔清楚，好少理數目，但肯定係送！見佢嗰時得閒少少，問佢有冇興趣幫手宣傳吓，送啲股份畀佢，因為大家係朋友！佢依家出律師信畀我哋，話想賣股份，但我冇理到，涉及公司數自己好少理。（如果佢真係賣，會唔會覺得佢出賣咗你對佢嘅感情？）唔多唔少有少少，朋友點解要咁？」她認為大家應該坐低傾。