傅穎峇里晒Body爆「紅」

傅穎大晒三點式，前後都有睇頭！

原來Theresa與朋友飛到峇里度假，她說：「呢幾日唔使拍劇，不過今次我都係得3日假，明日（20）就要返劇組繼續開工。」問到對自己身材是否滿意？她坦白說：「唔滿意，可以更加好，因為我仲有啲為食，之後有套劇會返香港拍，到時約教練健身。」

潛水好玩想考牌

峇里之行她主要去潛水，但因時間太短來不及考潛水牌，她說：「今次我有嘗試深潛，係我第一次潛，試完即刻再玩第二次，覺得好好玩，希望遲下有機會再去考潛水牌。」

Theresa表示返到橫店要為《新》劇拍煞科戲，預計還有一星期拍攝，接住她會到上海出席時裝活動，之後到武當山繼續拍《武》劇，6月會去北京開拍另一套新時裝電視劇。對於「餅女」吳雨霏及楊愛瑾爆出擘面消息，Theresa不會有任何回應。

放大圖片	傅穎在當地玩潛水，大嗌好玩。	傅穎趁有幾日假期，飛到峇里度假。