麥明詩自爆被鬧平凡都選到

應屆香港小姐冠軍馮盈盈、亞軍劉穎鏇、季軍陳雅思與一班師姐包括黃心穎、朱千雪、陳凱琳及麥明詩等昨日在中環出席《2017香港小姐競選》招募記者會。今年是無綫五十周年台慶，大會以「TVB50周年 香港小姐 美麗是贏家」為口號，同屬冠軍級的馮盈盈與麥明詩以自嘲方式鼓勵女士參選，「十優港姐」麥明詩被問到可會推薦高學歷朋友參選？她說：「依家唔興高學歷，畀人鬧o架！好想呼籲多啲人出嚟參選，自己選完都成日畀人鬧咁平凡都可以選到，我就覆佢，你出嚟選我咪選唔到囉，所以啲靚女要快啲出嚟參選。（選之前係咪要清理吓社交網站？）應該由出世開始就唔好喺社交網亂噏嘢，因為就算刪除咗，都會有啲神通廣大嘅朋友將啲嘢sent畀記者，貼士係最緊要識啲好嘅朋友。」馮盈盈也自嘲參選是拋磚引玉，吸引靚女參選。