甄子丹落實拍《葉問4》
「宇宙最強」甄子丹憑電影《葉問》打出名堂，近日他終落實接拍《葉拍4》，預計明年3月開拍。他表示不會擔任動作導演，待導演寫好劇本後，會一起參與研究，相信最開心是一班「丹迷」呢！
昨晚子丹與太太汪詩詩一同出席活動，日前母親節他在社交網上載與母親麥寶蟬的合照，子丹媽媽是著名武術家，是美國第一位現代武術教練，被評為20世紀最有影響力的武學家之一。子丹指母親居於波士頓，每年都會越洋送花表孝意！
對於早前有指子丹會接拍電影《葉問4》？他承認已落實接拍，現正等導演葉偉信創作劇本，明年3月開拍。問可有畀意見？他說：「等佢度咗先，時機成熟佢會問我，大家都係電影人會自動波傾吓，但我唔會做動作導演，交畀袁和平負責。」
歐鎧淳唔覺性感
早前子丹帶女兒欣賞韓國男團BTS香港騷，女兒愛唱歌甚有表演欲，夫婦倆認為待囡囡大一點才決定入行與否，至於囝囝就愛烹飪，笑指不介意家中多一個廚師。對於資深演員于素秋逝世，子丹十分惋惜：「佢係我偶像，細時睇過晒佢所有電影。」
同場還有藝人廖碧兒及「女飛魚」歐鎧淳，歐鎧淳以低胸連身裙現身，她卻否認性感：「之前出活動都試過中門大開，不過冇嘢睇啫。（嫌自己身材唔好？）唔會，就算自己膊橫都唔介意着露肩衫。（唔介意着得性感？）其實性唔性感唔係睇着嗰個人，而係視乎睇嗰個人點睇。」又說男友不會過問其衣着，但抗拒與男友穿情侶裝。至於廖碧兒透露去年在加拿大拍了一部電影，稍後會在康城首播。
文：名人組