簡淑兒短身衫掩飾腰短

宅男女神簡淑兒（Jessica）除了有一對迷人腰果眼及可愛笑容外，身材嬌小的她對襯衫打造靚靚造型都相當有學問。Jessica搞笑自認「腰短」，表示會善用短版上衣及高腰褲去拉長身高比例：「我鍾意着短身衫，因為我條腰比較短，着短版衫唔會露好多腰，感覺唔會好性感，再襯番高腰褲或裙，咁睇落成個比例同腿都拉長咗！」
簡淑兒愛以短版上衣襯長裙，營造腰長腿長的感覺。
簡淑兒愛以短版上衣襯長裙，營造腰長腿長的感覺。

她指私下愛休閒打扮，以舒適行先：「工作多數會着短裙，但平時鍾意着長裙同白鞋，最緊要鬆身同舒服，好少着到好夢幻。」Jessica又透露偏愛淺色系，輕易襯出順眼形象：「我好鍾意白色，衣櫃大半嘅衫都係白色，而粉紅、藍、灰、黑都會着，反而就冇綠、黃、紫、橙色，因為我鍾意淺色低調嘅顏色。」

簡淑兒穿上背心襯短裙，散發夏日氣息。
  • 簡淑兒穿上背心襯短裙，散發夏日氣息。