新手媽咪兼名模貝安琪現時有子萬事足，生活與之前非常不同。她表示待兒子睡着，便與未婚夫二人世界：「可以同佢傾偈，一齊喺廳睇戲。（追多個？）都想，可能要兩年後，之前開刀要等身體恢復咗先。」她又指兒子一喊已令她不知所措，幸而BB很愛笑，她說：「依家日日湊仔好開心，試過離開佢一日，個心好痛，見唔到佢好辛苦。依家少咗同朋友去夜街、去蒲，變咗夜晚唱歌、講故事畀個仔聽。」
