藝人龔嘉欣去年憑無綫劇《幕後玩家》勇奪「最佳女配角」而人氣急升，搵銀機會增加，自然要買磚頭保值。最近清水灣新樓盤傲瀧吸引城中名人參觀，繼日前名人關之琳、設計師陳柏熹、太子珠寶鐘錶主席鄧鉅明及藝人關智斌後，昨日龔嘉欣亦現身睇樓。事後嘉欣大方承認到樓盤參觀：「同屋企人去睇吓！（準備買幾大單位？）樣樣都有睇啲，揀清水灣區係因為住將軍澳多年又近返工，買幾大單位就十劃都未有一撇，要畀心機做嘢先。」
