楊婉儀與NASA合作

前港姐楊婉儀昨日出席慈善活動，透露經營的幼稚園和教育中心發展不錯，更會與NASA（美國太空總署）合作：「我覺得每位小朋友都要對科技有認識，尤其是女仔，佢哋鍾意公主同手工藝，但其實科技大家都需要認識同運用，希望女仔多認識科研。（有一間補習社結業？）其實有新發展，就係同NASA合作，學校以科學、Engineering同Art為主。（結業原因與錢銀有關？）交咗畀律師處理，冇特別，同埋以前嘅嘢過咗好耐，所以都OK，唔會介意。（係新投資？）係，好多有心人都想搞教育，我依家幫緊佢開學校。」