陳自瑤讚老公戲外一樣暖

無綫藝人陳自瑤（Yoyo）昨午到太子出席母親節活動，充當模特兒行古着圍裙騷。她表示收到囡囡自製勞作做禮物，晚上會與家中所有媽媽級食飯慶祝。談到丈夫王浩信因熱播劇《不懂撒嬌的女人》獲封暖男，問到老公可曾為她自彈自唱？Yoyo笑言：「有嘅，但唔係同一首歌（《陪着你走》）。嗰啲始終係劇情，我哋較隨意。（最浪漫係求婚？）嗰時佢做舞台劇，事先安排我啲朋友坐唔同角落，完場時佢突然話有嘢想做，原來係求婚。我啲朋友四方八面恭喜我，搞到我喊晒。（老公係暖男？）都暖，但唔係劇情咁，我哋唔會太刻意。（老公同唐詩詠談情，睇到眼火爆？）知係做戲啫，我同詩詠之前一齊拍《天命》，都friend嘅。」