《閨蜜睡房》：周美欣床上癖好 晚晚箝住瞓
東網巨星節目《閨蜜睡房》播出以來成為全城熱話，新一集請來前港姐周美欣做嘉賓，以私伙原味睡衣登場，她自爆晚晚瞓覺都拒絕「腿張開」，定必要「箝住瞓」！入行十年曾拍劇、唱歌及當模特兒的她，更盡訴歷經失意，曾當「一碟歌手」致情緒不穩及抱恙，甚至爛手！
身高五呎九吋的前港姐兼模特兒周美欣，一雙長腿令人艷羨，在東網巨星全新節目《閨蜜睡房》登場時，大騷誘人美腿，令人目不暇給！節目中美欣向大家公開其私人攬枕，這個印有卡通的長形攬枕，原來是用來滿足她每晚「箝住瞓」的習慣！她說：「呢個攬枕雖然唔係由細攬到大，但我一定要搵樣嘢攬住、箝住先瞓得舒服！以前我係趴喺度瞓，但媽咪話對頸同心唔好！」語畢更主動向主持李惠儀（Kiwi）投懷送抱，當對方做攬枕示範，笑言：「趴喺度壓住瞓，對上圍都唔好！」
自細愛吮手指公
美欣自爆另一癖好，就是自小已愛吮手指公：「食到六歲，食到手指公都幾乎起枕！曾經試過搽啲苦嘢，但都唔得。最後媽咪搵咗件手袖好長嘅睡衣畀我，將個袖口縫埋，咁樣先至成功！」身高五呎九吋的她雖有一雙長腿，但高人一等卻同時為她帶來煩惱，尤其是擇偶方面，她明言男友身高不能差距太大：「以前讀書Puppy Love時，對方同我相差兩、三吋，好似小朋友咁！我希望男朋友最好高過我，如果矮過我，最多都只可以矮我一吋，最好橫過我、肥過我，我膊頭都有15吋！」
擁有天賦模特兒身形的美欣，因選港姐而入行，曾拍劇及當主持，但星途平平：「離開無綫時真係唔開心，返咗老家溫哥華，咁啱媽咪識唱片公司嘅人，又去咗做歌手，但係等咗兩年先出到一隻EP。」
心情低落到爛手
成為「一碟歌手」的美欣坦言曾因星途不順而以淚洗面，甚至令健康響起警號：「直情係會容易啲病、會敏感，當時隻手起咗細細粒嘅泡，後期成塊皮冇咗，搞到甩皮又爛手！」回想選港姐時，她承認佳麗中分開兩大陣營，是非滿天飛，幸好自己是「和平大使」，成功游走兩者之間。
文：專案組