麥明詩暗寸林作得把口
「十優港姐」麥明詩昨日出席母親節活動，被問舊愛林作曾公開表示欣賞身材甚佳的歌手陳蕊蕊，她笑說：「呢啲慷慨唔使錢，我就唔受呢啲，行動好過淨係去講！言語藝術嚟嘅，我今晚都返去同阿媽講你好靚先！」又透露已送手機及手錶給媽媽做生日與母親節禮物。
而林作昨日又發表偉論，直指不少人趁母親節在網上晒溫馨照呃Like：「出個Post，媽媽會睇到嗎？媽媽需要你出個咁嘅Post？Come on。」自言與媽媽關係特別，似朋友多過母子：「我哋一齊奮鬥，一齊努力，互相扶持。」他又指孝敬媽媽的最佳方法是生性，要做出一番事業讓她驕傲。