星二代入行？ 諸葛Say No！ Chilam仔大仔世界轉軚開綠燈
虎父無犬子，型男張智霖（Chilam）的10歲兒子張慕童（魔童）近日被網民跪求快點出道，原本反對兒子入行的Chilam亦轉「開綠燈」。相反名媛諸葛紫岐（Marie）的兒子薛華韜同樣被力邀拍廣告，但卻為他推掉百萬廣告。
向來覺得娛樂圈工作辛苦的Chilam，曾多次明言不贊成魔童步其後塵，但太太袁詠儀則坦言有很多事不到他們控制：「我媽媽唔畀我入，我都入咗啦！」事實上，魔童於網上人氣甚高，除了獲讚靚仔之餘，不少人更希望他可以快點出道。Chilam昨日接受電話訪問，未知是否面對「群情洶湧」，他竟轉口風：「依家我覺得每個人都有自己嘅一條命（運），作為家長嘅有時冇得唔想，不過佢依家首要係努力讀書，適當嘅年齡先做適當嘅嘢啦！佢第時做啲咩依家冇人會知。（佢想唔想入行？）佢其實唔識呢啲嘢嘅。」話雖如此，Chilam又補充：「呢個世界除咗娛樂圈，都仲有好多其他嘅工作，有啲仲對社會好有貢獻添。」
出價百萬利誘母子檔
另一位有潛力殺入娛樂圈的則是Marie的靚囝薛華韜，她坦言有不少人邀請母子檔上陣拍廣告，其中更有人開價七位數，但一律被她推掉：「老公一向唔鍾意個仔做童星，佢係一個思想傳統嘅男人，認為男人應該有好多責任，包括顧家，依家個仔嘅責任係讀好書。」
Marie對兒子從事甚麼行業倒沒有所謂，指兒子說過想做醫生，但又不否認韜韜有表演欲，自小不怕面對鏡頭，而且更是她的形象指導，年紀小小已懂得穿衣之道：「雖然幫個仔推咗好多廣告，但如果係慈善活動，都會畀佢參與嘅。」昨日母親節，Marie透露韜韜送上一個熊仔蛋糕，又突然在她耳邊溫柔說：「其實我好愛你，好掛住你。」令她大感窩心！
文：專案組