黃婉曼被B女踢冇覺好瞓
藝人黃婉曼（Icy）與唐寧昨日分別帶同母親出席活動，挺着七個月肚的Icy「三代同堂」，表示很期待女兒出世：「我為BB開咗社交網站戶口，記錄低一點一滴，等佢第時睇番。（改咗名未？）改咗英文名，但保持神秘暫時唔講，中文名交畀長輩改。」
Icy指會計師兼馬主老公馮柏基，會與腹中B女傾偈：「近排個女成日踢我，搞到我冇覺好瞓，仲試過瞓瞓吓抽筋，但我唔好意思叫醒老公。」
唐寧表示因為人多不會出街食飯慶祝，由廚藝了得的媽咪親自下廚，而其子亦預備了特別的母親節禮物——「空氣」，唐寧說：「佢搭校車時，被妹妹唔小心摧毀咗佢整嘅車仔禮物，所以佢有啲唔開心！」
