猷亨驚喜送花 梁安琪開心「蝕水」

賭王何鴻燊四太梁安琪先後兩日在澳門及香港慶祝母親節，昨日四太受訪時透露前一天與超盈、超欣及猷亨三名子女在澳門慶祝：「我媽咪同小朋友嘅姑媽都在場，好熱鬧，好開心。（子女送咗咩禮物畀你？）送咗名貴手袋同絲巾。不過猷君喺上海做嘢，嚟唔到。」至昨日母親節，猷亨親自送花給正跟朋友茶敍的四太，令她非常驚喜：「我同朋友飲緊茶，佢攞住紮花嚟搵我，真係好開心，但猷亨好搞笑話冇錢泊車，問我借二百蚊，我朋友笑佢冇錢，最後我畀咗一千蚊佢，紮花變咗咁貴，我真係蝕水！不過，錢唔重要，最重要係心思，猷亨出咗嚟做嘢之後，唔同咗好多。」之後四太與超欣、猷亨在家與賭王溫馨同度母親節。