浩信晒肌做「暖男」
王浩信之前曾在劇集中騷肌及只穿內褲在街頭拍攝，於前晚一集《不懂撒嬌的女人》中，他又晒肌浸泡泡浴，但唐詩詠在不知情下跑入廁所，與友人WhatsApp時幫浩信說好話，令他甜在心頭，未幾詩詠發現對方在浴室，於是急急着裙起身走人，趕不及拉拉鏈，更露出底褲邊晒另類性感！浩信僅以毛巾摟着下身追出去，繼續晒肌搶Fo，不過跑跑吓甩毛巾，仍不忘向詩詠說：「我蝕唔緊要，最重要你唔好蝕呀！」而他為詩詠唱《陪著你走》一幕更是感動，暖男形象冧死人！
對於憑劇集升格為「暖男」代表，他說：「對身邊重要嘅人，好似屋企人、媽媽，嚟緊母親節，我都會化身暖男。（暖男條件？）要細心、有驚喜，令到身邊人開心！」他很開心角色帶到「溫暖」給觀眾：「好多謝觀眾由第一集開始談論到依家，都畀咗好多溫暖我！」至於為「裸跑」場面操弗身形的他坦言冇尷尬：「我幾套劇都有大膽演出，最緊要係合情合理，唔會令詩詠走光，呢個男仔嘅行為係值得，呢場戲係好有趣、好感動！（身形好？）為裸跑戲我都食得好清，低脂餐單，唔算大犧牲！」