吳嘉儀扮文青搵人影「將軍澳陳偉霆」(舌累)包應！

人人愛叫其花名「阿七」多過真名的吳嘉儀，性格開朗玩得笑得，年僅25歲的她，在演藝學院畢業後即加入無綫，幸運地有份參與處境劇《愛．回家之八時入席》，日拍夜拍當正公司是第二個家，故對將軍澳充滿感情。愛笑愛玩的她，今次在《區區有女神》中化身多個造型，測試街坊的熱心程度。

「廢青」Look趕客

阿七先以低胸熱褲Look打頭陣，要路過的途人幫她拍照，火速吸引一名四眼哥哥幫忙，對方認出她並大讚：「你真人好靚女！」這次性感造型差不多百發百中。

阿七其後轉Look戴上大近視眼鏡，又刻意衣不稱身，以「廢青」造型嚇窒街坊，個個趕路似的對她視而不見，幸好皇天不負有心人，終於等到有兩位遊客願意相助。

阿七成功令「Cool魔」軟化，型仔地單手幫她影相。	阿七四圍搵人揸機，最終吸引四眼哥哥答應，更玩埋自拍先走。	放大圖片

軟化Cool魔揸機

為了收復失地，阿七再度出擊變身文青索女，輕易吸引大批男士仗義幫忙，更遇上「Cool魔」型男。當阿七上前問對方可否幫忙時，型男冷冷地回絕一句：「你要影相，關我咩事？」但最後亦抵不過阿七的哀求，單手幫她揸機，影相不忘擺個型仔樣！

意外捕獲「將軍澳陳偉霆」	「將軍澳陳偉霆」咬住個包都肯為阿七影相，真係好人！	見到「廢青」造型的阿七走近，哥仔似乎嚇一嚇。

期間阿七又意外捕獲「將軍澳陳偉霆」，相似程度幾可亂真，這名靚仔也非常好人，即使趕時間得咬住個包邊行邊食，仍向阿七伸出同情之手。阿七總括今次測試大成功：「其實大部分街坊都好熱心，就算拒絕都可能係因為趕時間，我覺得香港人都好熱心，樂於助人，當然靚女零舍受歡迎啦！」

女神的秘密：最怕落樓梯

阿七表面上天不怕、地不怕，連做替身都可以二話不說跳落海，但最驚竟是落樓梯？她自爆曾因太怕落樓梯，要勞煩友人孭她：「嗰次真係好尷尬，睇完戲太夜，扶手電梯停咗要自己行，但實在太長，行到中段我腳軟行唔郁，坐咗喺度，最後要個朋友孭我走！我又試過搭完港鐵轉車落樓梯，拖錯咗一個唔識嘅男人。」各位男士想拖阿七，可以想辦法嘗試帶她落樓梯喎！

海濱長廊影靚相

提起將軍澳，大家會想起工業邨、電視城和大型商場等，但原來也有不少郊遊好去處！例如將軍澳南海濱長廊就設有單車徑、綠化地帶，更有佔地648平方米的寵物公園。沿着長廊一直走，更可觀賞到將軍澳海域、鯉魚門海峽及港島柴灣一帶景色，藍天白雲美不勝收。

Profile

花名：阿七

身高：1米65

三圍：34B、25、34

出生日期：1991年6月7日（25歲）

入行經過：畢業於演藝學院，2015年入讀第28期無綫電視藝員訓練班，曾演出《愛．回家之八時入席》飾演王嘉莉而為人熟悉。

東網巨聲：https://goo.gl/Ucu5Wr