被批明年有車禍方力申：會繼續賽車
歌手方力申、王菀之（Ivana）、歐鎧淳及阮小儀昨日到中環出席活動，小方透露剛在珠海參加大型賽車：「我冇包尾，因為有兩架車未能完成賽事，14架車之中我排12，希望下個月去珠海再比賽。」他又說不怕被堪輿家預測明年容易撞車：「會繼續賽車，賽車嘅碰撞某程度比較安全，應咗呢樣嘢好過喺街撞。」
另外，曾在中環居住的Ivana自爆試過找陌生人搭訕：「我會話『食唔晒喎，一齊吖』，啲人都好friendly，可能去書局或者咖啡店，人哋都係一個人，或者講起啲topic，願意share睇法。（淨係搵靚仔？）唔係，搵啲靈感上同步到嘅人，例如音樂人、創作人，感覺到佢哋啲藝術氣息先。」問到搭訕時可試過被拒絕？她笑言：「唔好提啦，我唔會放喺心，唔記得。」
