歌手官恩娜（Ella）於2015年10月誕下囝囝BéBé G後，雖然沒有宣布退出娛樂圈，但對歌唱事業明顯放慢腳步，年多以來以湊仔為樂，粉絲要再見Ella只可透過網上平台。
不過歌迷有福了，最近Ella舉家到新加坡旅行，再重燃歌手的狂熱，當日身穿低胸衫襯短褲仔的她，看見有街頭演唱時，突然歌癮大發坐在街上玩Busking，更豪邁地腿張開坐在櫈上忘我地邊彈結他邊唱歌，而她身旁的結他盒就寫住「Support Local Artists（支持本地歌手）」。
雖然Ella表現落力，但在嬰兒車內的BéBé G就「瞓覺大過天」，沒有起身為媽咪打氣，所以Ella也在社交網寫道：「G was sleeping the whole time...（G一直都喺度瞓）。」
昨日Ella透過唱片公司表示：「我路過見到人玩Busking咪支持吓畀咗少少錢，點知個歌手又叫我玩吓，我唱咗兩首歌，但都有人打賞我o架！（快啲出番嚟唱歌啦？）哈哈！都快o架喇！」