羅孝勇飛澳洲治療
歌手羅孝勇（Sheldon）上周五被車撞倒入院，經檢查後發現脊椎的橫骨有骨折，他於昨日下午在家人陪同下出院。受訪時，他表示雖然不幸被車撞，但自己現時很樂觀：「真係好好彩，我入院之後上網睇番我呢次意外，我畀車撞嘅速度喺美國一個研究嘅資料入面，佢話有5成人都會死嘅，所以之後真係要拜吓神！」
避談與女友煙韌
Sheldon又透露已得到醫生批准，這個星期內將到澳洲做物理治療：「我想去嗰邊睇啲物理治療師，同埋嗰邊始終有爹哋媽咪照顧我，應該都有幫助嘅，但都係去一個短時間就會返嚟香港。」問到女友王丹妮可會同行時，他卻支支吾吾地說：「呢層呢……係囉……大家可以睇吓Instagram，自己去猜測吓。」至於有傷在身是否不能與女友有親密行為？他表示太尷尬而避談。他指稍後會再到警署落口供，暫時亦未知可會向肇事的司機索償，但幸好他有買保險。
文：音樂組