梁漢文嫌悶No BIG FOUR！

歌手梁漢文（Edmond）將於8月18及19日在九展Star Hall舉行《梁漢文我的另一半音樂會》，昨日到電台宣傳時提到門票昨晨開賣，他透露早上整頭時趁有時間首次嘗試上網買飛，但因多人搶飛而不能登入，有歌迷留言指門票在六分鐘內售罄，Edmond說：「不過我諗唔係！可能係同一時間好多人入去Hold起咗啲飛。今次係喺Star Hall，所以啲飛少啲。」

幫冷門歌「伸冤」

Edmond又指因一直忙於工作，未有了解最後售票情況。問到若反應好可會加場？他說：「我20日就要交場。（喺前面加場？）要視乎公司安排。（想唔想加場？）冇話想唔想！幫到呢啲歌（指未有派台的歌）伸冤已經開心，呢啲歌同我一齊打拚過，但唔知點解次次紅館騷都會抽起咗，希望今次唱番。」

梁漢文唔預BIG FOUR一齊玩，叫兄弟台下睇騷就算。	梁漢文指反應雖好，但未決定會否加場。	梁漢文未有打算邀老婆上台Jam歌。

特別舞台如置身紅館

首次在九展開騷的Edmond揚言今次「唔衰得」，其中舞台會創九展先河的特別設計：「將個Hall斬開一半，中間會做個長形、有啲高度（口既）Catwalk台，而個台上面會有LED，希望大家有番紅（口既）享受。」

問到今次可會請嘉賓？他坦言未諗，亦不想找嘉賓來但自己卻走去換衫，故要再研究一下。問到若請嘉賓的話可會邀好兄弟BIG FOUR？Edmond即耍手擰頭話冇驚喜：「唔會啦！估到晒，同埋睇過咁多次，淨係想叫佢哋嚟睇。」講到音樂會名稱是「我的另一半」，屆時可會邀老婆上台？他即笑說：「唔好啦啩！嗰個另一半係指音樂，但老婆梗係會嚟睇。」

文：音樂組