林嘉欣老公太「老」生仔Say No

林嘉欣昨日到香港文化博物館出席由「法國五月」主辦的「羅浮宮珍品展」開幕禮，身穿黑色連身裙的她明艷照人，她表示曾到法國羅浮宮遊覽多次，但尚未帶分別六歲及三歲的兩位女兒同行，問兩女睇藝術展覽時是否聽話？她說：「大嗰個唔嘈，細嘅就未必，又唔可以帶一個唔帶一個，等大啲先帶佢哋去啦！佢哋都未識欣賞，依家睇住啲簡單啲先，大嘅最遠嘅係睇過印象派，再歷史耐啲嘅都未識。」

搞畫展為興趣

而前晚嘉欣出席瑞士腕錶及珠寶品牌伯爵絢麗揭幕Possession Lounge展覽，提到最近經常出席藝術活動，她說：「之前收埋自己興趣，嚟緊會搞畫展，會唔會變成第二個事業就唔知。」問是否想成為策劃人？她坦言只為興趣：「年底同個年輕畫家合作，好想將佢啲作品帶嚟香港，唔係話為生意，為興趣自由度大好多，本職都係演員。」熱愛欣賞畫展的她表示愛收藏戒指：「有石、冇石都鍾意，尤其玫瑰金色，鍾意戴百搭款可以襯牛仔褲，粒石大又冇乜機會戴出嚟，好嘥！（老公送咩珠寶畀你？）冇！除咗婚戒。」

周汶錡坐完月晒線

問到下月母親節如何慶祝？她透露媽咪將由台灣飛來港，屆時可三代同堂食飯慶祝：「囡囡唔使送禮物畀我，佢哋已經係我最大禮物。（同囡囡母女檔畫畫送畀媽咪？）都好，係無價寶。」至於會否趁空閒時間再追仔？嘉欣三度嗌「唔好」：「2字好意頭呀！（封肚？）封咗好耐啦！就四年啦！（意外呢？）會生，但唔容許有意外。（老公OK？）同佢計過到小朋友讀大學，佢已經成70歲，唔好喇！」

同場的名模周汶錡（Kathy）穿露肩短裙，大晒事業線，風騷表示坐完月出關做甚麼都得，她透露細仔Avner樣子似哥哥和老公。她謂21個月大仔Jacques愈來愈黐身，知道她要出門便要媽咪「除衫除鞋」，還試過將Kathy一份未拆的禮物掉入垃圾桶。

採：名人組

文：影視組