單文柔欣賞陳展鵬大讚肯承擔

單文柔在「山頂開餐」後，仍有與陳展鵬約食飯。

落選港姐單文柔早前與陳展鵬被拍得到山頂開餐。一直封口的單文柔說：「大家係朋友，佢拍完《天命》外景返嚟都有食過飯。（又上山頂補祝生日？）唔係。（係咪拍拖？）自己想專注工作，依家有兩個兒童節目做緊，大家都冇乜時間，互相認識緊。（發展中？）將來嘅嘢好難講。（同居買傢俬？）冇同居。（影到陳展鵬搭住你條腰？）冇，角度問題啫，其實朋友搭吓膊頭都唔出奇。」她又解釋到山頂開餐只因陳展鵬是公眾人物，太多人的地方不方便，問誰提出上山頂開餐？她說：「冇話邊個提議，只係想去少啲人嘅地方，咁啱去嗰度。（去過咩地方開餐？）冇啦！（鍾意陳展鵬呢類型？）喺今次呢件事上好欣賞佢，佢好好承擔咗好多，承受咗好多壓力。（加分？）佢份人係幾好。（點認識？）係選完港姐後，喺活動上認識，喺公司都有食過飯，大家傾吓時裝。」訪問去到尾聲，酒店天花突然漏水，單文柔只差一步就中招。

張名雅極速收身

麥明詩正拍攝無綫劇集《誇世代》，自爆早上與余德丞拍落水戲，雖然穿保守款式泳衣，但也相當尷尬。問是否看見余德丞的Body尷尬？她說：「對比之下自己有啲輸蝕，佢好大隻，咁好身段，好少有機會咁近距離攞正牌去望。」至於產後剛坐完月的張名雅已火速收身，她指ＢＢ出世後餵人奶及用古法紮肚收身：「紮到成個機械人咁，可以幫助收細盆骨。」又透露兒子改名蔡浚鏗。

陳展鵬	朱千雪（左起）、麥明詩、張名雅、張嘉兒及朱凱婷出席記者會。	麥明詩拍落水戲嗌尷尬。
張名雅（左）大晒產後收身成果，連朱千雪都讚！